TƏQVİM VƏ QAYDALAR

Yarış formatı

32 iştirakçı, 8 qrup, hər qrupda 4 barista. Qrup mərhələsi ayda bir dəfə keçirilən 3 turdan ibarətdir. Çıxışlar fərdidir, battle formatında deyil.

Növbəti mərhələ

Üç turun yekununda hər qrupda ən çox xal toplayan iki iştirakçı növbəti mərhələyə keçir. Sonrakı mərhələlərin dəqiq cədvəli təşkilatçı tərəfindən elan ediləcək.

Çıxış vaxtı

Cəmi 12 dəqiqə: hazırlıq — 5, yarışma — 5, təmizlik — 2 dəqiqə.

Tapşırıq

İştirakçı kart seçir və verilən latte art nümunəsini iki fincanda təqdim edir. Tülpanda ləçəklərin sayı nümunəyə uyğun olmalı, qu quşunda rosettadan istifadə edilməlidir.

Qiymətləndirmə

Üç münsif kontrastı, köpüyün elastikliyini və şəklin dəqiqliyini qiymətləndirir. Hər meyar 10 ballıq sistemlə qiymətləndirilir. Saytda təşkilatçının təqdim etdiyi yekun xallar göstərilir.

Qaydalar

• Hər iştirakçı öz pitcherini gətirməlidir. Süd miqdarına məhdudiyyət yoxdur; espresso və ya ristretto seçimi iştirakçıya aiddir.
• Fincan tam dolu olmalı, daşmamalı və “Stop” siqnalına qədər hazır olmalıdır. Etik qaydalara əməl edilməlidir.